શનિશ્ચરી અમાસ

શનિશ્ચરી અમાસઃ આ મંત્રથી મેળવો સમસ્યાઓથી મુક્તિ

 લક્ષ્યોને પ્રાપ્ત કરવાના સંકલ્પમાં તન, મન કે ધન સાથે જોડાયેલી અનેક મુશ્કેલીઓથી પરેશાન થવું પડે છે. જેનાથી અનેક મોકે મનોબળ નબળુ પણ થાય છે. ધાર્મિક દ્રષ્ટિએ આવી કઠોર પરિસ્થિતિમાં લક્ષ્ય તરફ આગળ વધવા અને ઈચ્છાશક્તિને મજબૂત રાખવા માટે રુદ્રાવતાર શ્રીહનુમાનનું સ્મરણ શક્તિ, સંયમ અને ઊર્જા આપનારું માનવામાં આવ્યું છે.

શ્રીહનુમાન ચરિત્ર પાક્કા હોસલા અને સંકલ્પ શક્તિની તાકાતથી સફળતાની પ્રેરણા આપે છે. એટલા માટે શનિવારે શનિદોષ કે મંગળવારે મંગળદોષથી આવતી બધી મુશ્કેલીઓ મુક્તિ મેળવવા માટે કોઈપણ પ્રકારે શ્રીહનુમાનનું સ્મરણ સફળ જીવનની ઈચ્છા રાખનારા દરેક માણસ માટે ખૂબ જ શુભ છે. શાસ્ત્રોમાં પણ સ્વયં શનિદેવે વાણી કરી હતી કે શ્રીહનુમાનની ઉપાસના કરનાર વ્યક્તિને શનિપીડા ક્યારેય નહીં સતાવે.

આ કારણ છે કે 21મી એપ્રિલે શનિવારની સાથે જ બનેલ અમાસનો યોગ અર્થાત્ શનિશ્વરી અમાસ ઉપર અહીં બતાવેલ શ્રીહનુમાન ઉપાસનાના નાના પરંતુ અસરદાર મંત્રનો જાપ આપણી દરેક મુશ્કેલીઓમાં માનસિક એકાગ્રતા, ઊર્જા અને હૌસલા વધારનારો છે.

-સવારે વહેલા ઊઠી યથાસંભવ લાલ કે સિંદૂરી વસ્ત્ર પહેરી શ્રીહનુમાનની મૂર્તિની સિંદૂર, કંકુ, અક્ષત, ફૂલ, નારિયળ ચઢાવી પૂજા કરો. શ્રીહનુમાનને ગોળ, ચણા કે ઘઉંના લોટ અને ઘીથી બનેલ ચૂરમા કે લાલ દાડમનો ભોગ લાગાવો.

-પૂજા પછી લાલ આસન ઉપર દક્ષિણ દિશામાં મુખ કરી રુદ્રાક્ષની જાપમાળાથી શ્રીહનુમાન મંત્રનો યથાશક્તિ જાપ કરો.

ॐ नमो भगवते आन्जनेयाय महाबलाय स्वाहा।।

-મંત્ર જાપ પછી શ્રીહનુમાનની ધૂપ, ઘીના દીવા અને કર્પૂરથી આરતી કરો.

-પૂજા અને મંત્ર જાપમાં થયેલી ભૂલો માટે ક્ષમા પ્રાર્થના અને સફલ જીવનની કામના કરો.

 શનિશ્વરી અમાસે ચાલતા-ફરતા સરળ ઉપાય કરી મનાવો શનિને
જો તમે પણ શનિ દોષ તથા પીડા, સાડા સાતી કે અઢીયાને કારણે ઉત્પન્ન અનિષ્ટથી બચીને ખુશહાલ જીવનની કામના રાખો છો તો અહીં જણાવવામાં આવે છે શનિ પૂજાના ઉપાયો 21 એપ્રિલ ના બને છે અમાસ તથા શનિવારનો સંયોગ એટલે કે શનિશ્વરી અમાસ પર જરૂર અપનાવો. આ ઉપાય એટલા સરળ પણ છે કે ઘર કે બહાર કામ દરમ્યાન આપ ચાલતા-ચાલતા પણ અપનાવી શકો છો.

- શનિવારના સવારે સ્નાન કરી સ્વચ્છ કાળા કે નિલા વસ્ત્રો પહેરો.

- નવગ્રહ મંદિરમાં શનિદેવને શુદ્ધ ગંગા જળથી સ્નાન કરાવો.

- તલ કે સરસવનું તેલ ચઢાવો.

- કાળા વસ્ત્ર, કાળી દાળ, કાળા તલ, કાળા ફૂલથી પૂજા કરો. તેનો દિવો લગાવો.

- શનિ મંત્ર ॐ शं शनैश्चराय नम: નો જપ કરો.

- હનુમાન ચાલીસાનો પાઠ કરો.

- લોખંડની વસ્તુ ચઢાવોકે દાન કરો.

- શનિને તલની મિઠાઈઓ કે તેલના પકવાનનો ભોગ ચઢાવો.

- કોઈ મંદિરમાં પીપળાના વૃક્ષમાં શુદ્ધ જળ કે ગગાજળ ચઢાવો. પીપળાની સાત પરિક્રમા કરો. અગરબત્તી, તલના તેલનો દિવો લગાવો. તે સમયે ગજેન્દ્રમોક્ષ સ્તવનનો પાઠ કરો.

- આ રીતે કોઈ મંદિરની બહાર બેઠી ભિક્ષુકને તેલમાં બનેલી વસ્તુઓ જેવી કે કચોરી, સમોસા, સેવ, પકોડી યથા શક્તિ ખવડાવો કે એ નિમિત્તે ધન દાન કરો.